ថ្ងៃសុក្រ ទី០៣ ខែធ្នូ ឆ្នាំ២០២១
គេហទំព័រ NNC
​លោក សុខ សុ​ដា​រ៉ា ប្រធាន​សាខាគយ​ខេត្តសៀមរាប មាន​ខ្នងបង្អែក​រឹងមាំ​ប្រព្រឹត្ត​អំពើ​ពុករលួយ​យ៉ាង​ពេញបន្ទុក​
Sat,06 February 2021 (Time 09:01 AM)
ដោយ ៖ NNC (ចំនួនអ្នកអាន: 267នាក់)

កណ្តាល​, ថ្ងៃទី ០៦ ខែ កុម្ភៈ ឆ្នាំ​២០២១ (​ម៉ោង 2:30)
​ដោយ​៖ ថៃ ប៊ុន​រិទ្ធ​
​សេចក្តីរាយការណ៍​ពី​មន្ត្រី​គយ​ក្នុង​ខេត្ត​សៀមរាប មួយចំនួន​បាន​បង្ហើប​ឲ្យដឹងថា ទោះបី​រឿងអាស្រូវ​ពុករលួយ​របស់លោក សុខ សុ​ដា​រ៉ា ប្រធាន​សាខាគយ​ខេត្តសៀមរាប ត្រូវបាន​លាតត្រដាង​ជា​បន្តបន្ទាប់​យ៉ាងណាក៏ដោយ​ក៏​លោក គុណ ញឹម អគ្គនាយក​គយ​ធ្វើ​មិនដឹងមិនឮ​អ្វី​ទាំងអស់​។ ហេតុនេះហើយ​ទើប​លោក សុខ សុ​ដា​រ៉ា ប្រធាន​សាខាគយ​ខេត្តសៀមរាប និង​លោក ម៉ៅ សាមឿន មេ​គយ​ចល័ត​ខេត្តសៀមរាប ឃុបឃិត​គ្នា​ប្រព្រឹត្ត​អំពើ​ពុករលួយ​យ៉ាង​ពេញបន្ទុក​គ្មាន​ញញើត​អ្វី​ទាំងអស់​។

​ឈ្មួញ​ធំៗ​អាច​ដឹក​ជញ្ជូន​ទំនិញ​គេច​ពន្ធ ទំនិញ​បង់ពន្ធ​មិន​គ្រប់​ឬ​ទំនិញ​ខុសច្បាប់​ពី​ច្រក​ព្រំដែន​ក្នុង​ខេត្ត​បន្ទាយមានជ័យ និង​ខេត្ត​ឧត្តរមានជ័យ ចូល​មក​ស្តុក​ទុក​និង​លក់​ចែកចាយ​ពេញ​ទីផ្សារ​ក្នុង​ក្រុង​សៀមរាប តែម្តង​។​

​សេចក្តីរាយការណ៍​ពី​ក្រុម​ឈ្មួញ​និង​ក្រុម​អាជីវករ​មួយចំនួន​បានឲ្យដឹង​ថា​ការ​ដែល​ពួកគេ​អាច​ដឹក​ជញ្ជូន​ទំនិញ​គេច​ពន្ធ ទំនិញ​បង់ពន្ធ​មិន​គ្រប់​ខ្មែរ​-​ថៃ ក្នុង​ខេត្ត​បន្ទាយមានជ័យ និង​ខេត្ត​ឧត្តរមានជ័យ ចូល​ដល់​ក្រុង​សៀមរាប គឺ​ត្រូវ​បង់លុយ​តាម​ការកំណត់​របស់​លោក ម៉ៅ សាមឿន​មេ​គយ​ចល័ត​ខេត្តសៀមរាប និង​លោក សុខ សុ​ដា​រ៉ា ប្រធាន​សាខាគយ​ខេត្តសៀមរាប ផងដែរ​។ គ្មាន​ឈ្មួញ​ណា​ហ៊ាន​តវ៉ា​ជា​មួយ​លោក ម៉ៅ សាមឿន និង​លោក សុខ សុ​ដា​រ៉ា នោះ​ឡើយ​ព្រោះ​លោក សុខ សុ​ដា​រ៉ា តែង​យក​ឈ្មោះ​លោក គុណ ញឺម អគ្គនាយក​គយ ដើម្បី​បិទបាំង​ទង្វើ​មិន​ប្រក្រតី​និង​អំពើពុករលួយ​របស់​ខ្លួន ។ ឈ្មួញ​ទាំងអស់​សុទ្ធតែ​សុំ​ការយោគយល់​ពី​សំណាក់​លោក សុខ សុ​ដា​រ៉ា ប្រធាន​សាខាគយ​ខេត្តសៀមរាប និង​លោក ម៉ៅ សាមឿន ដើម្បីឲ្យ​អាជីវកម្ម​របស់​ពួកគេ​ប្រព្រឹត្តទៅ​ដោយ​រលូន​គ្មាន​ការរំខាន​។​

​សេចក្តីរាយការណ៍​ពី​សមត្ថកិច្ច​ពាក់ព័ន្ធ​ក្នុង​ខេត្ត​សៀមរាប បានឲ្យដឹងថា មួយ​រយៈពេល​ចុងក្រោយ​នេះ​ឈ្មួញ​អាច​ដឹកជញ្ជូន​ទំនិញ​គេច​ពន្ធ ទំនិញ​បង់ពន្ធ​មិន​គ្រប់​ពី​ច្រកទ្វារ​អន្តរជាតិ​ជាំ ស្រុក​អន្លង់វែង ខេត្ត​ឧត្តរមានជ័យ ចូល​ដល់​ក្រុង​សៀមរាប យ៉ាង​សុខ​ស្រួល​។ ចំណែក​លោក សុខ សុ​ដា​រ៉ា ប្រធាន​សាខាគយ​ខេត្ត​សៀមរាប​និង​លោក ម៉ៅ សាមឿន មេ​គយ​ចល័ត​ខេត្តសៀមរាប សម្ងំ​ទទួល​ផលប្រយោជន៍​យ៉ាង​សុខ​ស្រួល​ព្រោះ​អាង​មាន​ខ្នងបង្អែក​រឹងមាំ​។ ដូច្នេះ​លោក អូន ព័ន្ធមុនីរ័ត្ន ដែល​ជា​រដ្ឋមន្ត្រី​ក្រសួង​សេដ្ឋកិច្ច​និង​ហិរញ្ញវត្ថុ គួរ​ពិនិត្យ​ឡើងវិញ​ជា​បន្ទាន់​ព្រោះ​ច្រើន​ឆ្នាំ​មកហើយ​ដែល​លោក គុណ ញឹម អគ្គនាយក​គយ បណ្តោយ​ឲ្យ​លោក សុខ សុ​ដា​រ៉ា ប្រធាន​សាខាគយ​ខេត្តសៀមរាប និង​លោក ម៉ៅ សាមឿន មេ​គយ​ចល័ត​ខេត្តសៀមរាប​ធ្វើ​អ្វីៗ​តាម​អំពើ​ចិត្ត​៕

ព័ត៌មានគួរចាប់អារម្មណ៍

​មេ​ឈ្មួញ​ឈើ​នៅ​តែ​ធ្វើ​សកម្មភាព​ដឹកជញ្ជូន​ឈើ​ចេញពី​ស្រុក​កែវ​សីមា ខេត្ត​មណ្ឌលគិរី យ៉ាង​គគ្រឹកគគ្រេង អាជ្ញាធរ និង​សមត្ថកិច្ច​មិន​ហ៊ាន​បង្ក្រាប​ (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

លោក អ៊ូ ឆាយ មេ​ឆ្នោត​យួន​ខុសច្បាប់​​រាជធានី​ភ្នំពេញ អាជ្ញាធរ និង​សមត្ថកិច្ច​ពាក់​ពន្ធ៏​មិន​ហ៊ាន​បង្កាប​? (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
68 នាក់
ម្សិលមិញ :
476 នាក់
សប្តាហ៍នេះ :
1201 នាក់
ខែនេះ :
4486 នាក់
3 ខែនេះ :
16733 នាក់
សរុប :
349228 នាក់