ថ្ងៃអាទិត្យ ទី២៥ ខែកញ្ញា ឆ្នាំ២០៥០
ចាងហ្វាងការផ្សាយ ៖ លោក លាង គីម / ការិយាល័យនិពន្ធ ៖ 090 90 53 33
កងម្លាំងនៅខេត្តបន្ទាយមានជ័យ ចាក់វ៉ាក់សាំងដូសទី៣រួចរាល់, ឧត្តមសេនីយ៍ទោ សេង ធារិន និងកម្លាំងទាំងអស់ ថ្លែងអំណរគុណសម្តេចតេជោ យ៉ាងជ្រាលជ្រៅ
Tue,10 August 2021 (Time 01:21 PM)
ដោយ ៖ (ចំនួនអ្នកអាន: 294នាក់)

(បន្ទាយមានជ័យ)៖ កងកម្លាំងចំនួន១០អង្គភាព រួមមានកងទ័ព ៩អង្គភាព និងនគរបាលការពារព្រំដែនគោកមួយអង្គភាព បានចាក់វ៉ាក់សាំងអាស្ត្រាហ្សេនីកា ដែលជាដូសជំរុញរួចរាល់ហើយ ដើម្បីបង្កើនអង្គបដិបក្ខការពារជំងឺកូវីដ១៩។

ខេត្តបន្ទាយមាន គឺជាកន្លែងប្រយុទ្ធដ៏ក្តៅគគុកមួយលើសមរភូមិជំងឺកូវីដ១៩។ ក្នុងខេត្តនេះមិនត្រឹមតែត្រូវប្រយុទ្ធនឹងជំងឺកូវីដ១៩ ដែលកំពុងឆ្លងក្នុងសហគមន៍ប៉ុណ្ណោះទេ តែក៏ជាកន្លែងទទួលពលករខ្មែរត្រឡប់ពីប្រទេសថៃក្នុងចំនួនច្រើនជាងគេផងដែរ។

ទាំងកងទ័ព និងនគរបាល គឺជាកម្លាំងដ៏ចាំបាច់ក្នុងប្រតិបត្តិការប្រយុទ្ធនឹងជំងឺកូវីដ១៩នេះ។ កងកម្លាំងជួរមុខនៅក្នុងខេត្តបន្ទាយមានជ័យ ក៏ទទួលបានការអនុញ្ញាតជាពិសេសពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា ឱ្យចាក់វ៉ាក់សាំងដូសទី៣ ដែលជាដូសជំរុញ។

ក្រុមការងារចាក់វ៉ាក់សាំង គឺក្រុមរថយន្តចល័តយោធភូមិភាគទី៥ រួមជាមួយក្រុមគ្រូពេទ្យរបស់កងពលតូចថ្មើរជើងលេខ៥១ ដឹកនាំដោយលោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើរជើងលេខ៥១ បានចល័តរថយន្តចាក់វ៉ាក់សាំងជូនកងកម្លាំបចាប់ពីព្រំព្រទល់ខេត្តឧត្តរមានជ័យ ដល់ព្រំព្រទល់ខេត្តបាត់ដំបង ចម្ងាយជាង ១៥០គីឡូម៉ែត្រ រហូតចប់ជាស្ថាពរ។

ក្នុងដំណើរចុះពិនិត្យការចាក់វ៉ាក់សាំងនៅព្រឹកថ្ងៃទី១០ ខែសីហា ឆ្នាំ២០២១នេះ លោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥ បានបញ្ជាក់ថា អនុវត្តន៍តាមបទបញ្ជាសម្តេចតេជោ ហ៊ុន សែន និងថ្នាក់ដឹកនាំកងទ័ពគ្រប់លំដាប់ថ្នាក់នោះ ក្រុមការងារចាក់វ៉ាក់សាំងបានយកចិត្តទុកដាក់ខ្ពស់បំផុត ធ្វើយ៉ាងណាចាក់វ៉ាក់សាំងដូសទី៣ ជូនកងកម្លាំងជួរមុខឱ្យបានលឿនបំផុត ដើម្បីធានាបានសុខសុវត្ថិភាពជូនកងកម្លាំង ដែលកំពុងការបំពេញប្រតិបត្តិការបិទខ្ទប់ជួរមុខ នៅតាមបន្ទាត់ព្រំដែនកម្ពុជា-ថៃ។

ក្នុងនាមថ្នាក់ដឹកនាំយោធភូមិភាគទី៥ ក៏ដូចជាកម្លាំងជួរមុខនៅទិសទី១យោធភូមិភាគទី៥ លោកឧត្តមសេនីយ៍ទោ សេង ធារិន គោរពថ្លែងអំណរគុណសម្តេចតេជោ ហ៊ុន សែន យ៉ាងជ្រាលជ្រៅ ដែលបានអនុញ្ញាតឱ្យកងកម្លាំងជួរមុខនៅខេត្តបន្ទាយមានជ័យ បានចាក់វ៉ាក់សាំងដូសទី៣។

លោកឧត្តមសេនីយ៍ទោ សេង ធារិន បានហៅការអនុញ្ញាតឱ្យកងទ័ពជួរមុខចាក់វ៉ាក់សាំងដូសទី៣ បង្ហាញឱ្យឃើញពីការគិតគូរ និងយកទុកដាក់ខ្ពស់បំផុតលើសុខុមាលភាពរបស់កងទ័ព ពីសំណាក់សម្តេចតេជោប្រមុខរាជរដ្ឋាភិបាលកម្ពុជា៕

ព័ត៌មានគួរចាប់អារម្មណ៍

សារលិខិតសម្តេចកិត្តិព្រឹទ្ធបណ្ឌិត ផ្ញើជូនជនរួមជាតិ ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន៖ ការបើកដំណើរការ ខារ៉ាអូខេ រង្គសាល និងឌីស្កូតែក ត្រូវរង់ចាំពិនិត្យក្រោយថ្ងៃទី៣០ ខែវិច្ឆិកា ឆ្នាំ២០២១ ()

ព័ត៌មានគួរចាប់អារម្មណ៍

ឯកឧត្តម សុខ លូ អញ្ជើញជាអធិបតីភាពដ៏ខ្ពង់ខ្ពង់ក្នុង ពិធីសំណេះសំណាល និងកច្ចប្រជុំពិនិត្យលទ្ធផលការងារប្រចាំខែតុលា ឆ្នាំ២០២១ របស់ក្រុមការងារយុវជនគណបក្សខេត្តបាត់ដំបង ()

ព័ត៌មានគួរចាប់អារម្មណ៍

ឯកឧត្តម សុខ លូ សំណេះសំណាលជាមួយរដ្ឋបាលក្រុង ស្រុក ដើម្បីប្រគល់ថវិកាឧបត្ថម្ភរបស់រាជដ្ឋាភិបាលជូនដល់គ្រួសារសព ដែលទទួលមរណភាពដោយសារជំងឺកូវីដ-១៩ ចំនួន ១៦៦ សព នៅក្នុងខេត្តបាត់ដំបង ()

ព័ត៌មានគួរចាប់អារម្មណ៍

អភិបាលខេត្តកំពង់ធំ ចុះត្រួតពិនិត្យឡសម្ងួត និងឃ្លាំងស្តុកស្រូវរោងម៉ាស៊ីនកិនស្រូវ២កន្លែង ក្នុងស្រុកស្ទោង និងស្រុកកំពង់ស្វាយ ()

វីដែអូ