ថ្ងៃអង្គារ៍ ទី១៧ ខែឧសភា ឆ្នាំ២០៥០
គេហទំព័រ NNC TVONLINE, ទំនាក់ទំនងចាងហ្វាងៈ +855 92 391 945
លោក ពិន តន បើក​បន​ល្បែងស៊ីសង​បញ្ជល់មាន់ និង​វង់​អាប៉ោង​ខុសច្បាប់ កើតឡើង​យ៉ាង​ពេញបន្ទុក​ក្នុង​ក្រុង​បាន​លុង ថ្ងៃទី​១៣​ខែ​០៥​ឆ្នាំ​២០២២
Fri,13 May 2022 (Time 09:07 AM)
ដោយ ៖ ​ ថៃ ​ប៊ុនរិ​ទ្ឋ​ (ចំនួនអ្នកអាន: 16នាក់)

​ខេត្ត​រតនគីរី ៖ មាន​សេចក្ដីរាយការណ៍​ពី​ប្រជាពលរដ្ឋ​រស់នៅ​ក្រុង​បាន​លុង ខេត្ត​រតនគីរី បានឲ្យដឹងថា បច្ចុប្បន្ននេះ ឈ្មោះ ពិន តន ហៅ​តា​តន ជា​មេបន​ល្បែង​សង្វៀន​បញ្ជល់មាន់ និង​វង់​អាប៉ោង ហើយ​មាន​ខ្នងបង្អែក​យ៉ាងរឹងមាំ កំពុង​បើក​សង្វៀន​បញ្ជល់មាន់ និង​វង់​អាប៉ោង​ចំនួន​ពីរ​កន្លែង ហើយ​ដំណើរការ​យ៉ាង​រលូន ។​

​ប្រជាពលរដ្ឋ​បានឲ្យដឹងថា ទី​តាំងទី​១​នៅ​ចំណុច​ចម្កា​ស្វាយចន្ទី ក្នុងភូមិ​ឡា​ប៉ូ សង្កាត់​យក្ខ​ឡោម ក្រុង​បាន​លុង ហើយ​ទី​តាំងទី ២ នៅ​ចំណុច​ចម្ការកៅស៊ូ​តំបន់ភ្នំ​យោល អូរ​ត្រាវ ក្រុង​បាន​លុង ខេត្ត​រតនគីរី ។​

​ទីតាំង​ល្បែង​បញ្ជល់មាន់ និង​វង់​អាប៉ោង​របស់​ឈ្មោះ ពិន តន ហៅ​តា​តន ទាំង ២ កន្កែង​នេះ មាន​អ្នក​ចូល​ទៅ​រួម​លេង​ល្បែង​យ៉ាង​គគ្រឹកគគ្រេង​ជា​រៀងរាល់ថ្ងៃ ព្រោះ​មេ​ល្បែងស៊ីសង​ហ៊ាន​ធានា​សុវត្ថិភាព​ចំពោះ​អតិថិជន​របស់​ខ្លួន​ទៀតផង ។​

​បើ​តាម​ការលើកឡើង​ពី​ប្រជាពលរដ្ឋ​បានឲ្យដឹងថា បើ​គ្មាន​ការ​បើកដៃ ពី​អាជ្ញាធរ​និង​សមត្ថកិច្ច​មូលដ្ឋាន​ទេនោះ គឺ​ឈ្មោះ ពិន តន និង​បក្ខ​មិន​អាច​បើក​បន​ល្បែង​សង្វៀន​បញ្ជល់មាន់ និង​វង់​អាប៉ោង ទ្រង់ទ្រាយ​ធំ​ដំណើរការ​យ៉ាង​រលូន​បានទេ ។ ជាក់ស្ដែង នាយ​ប៉ុស្ដិ៍​ន​នគ​បាល​រដ្ឋបាល​សង្កាត់​យក្ខ​ឡោម ក៏​ដូច​ជា​អធិការ​នគ​បាល​ក្រុង​បាន​លុង និង​អភិបាល​ក្រុង​បាន​លុង រក្សា​ភាព​ស្ងៀមស្ងាត​បណ្ដោយឲ្យ​មាន​ល្បែងស៊ីសង​ខុស​ច្បាប់កើត​ឡើង​យ៉ាង​ពេញបន្ទុក ។ សម្រាប់​ការ​បញ្ជល់មាន់ ១ គូរៗ មាន​ដាក់​ដើម​ថា​ន់ ចាប់ពី​១០០០​ដុល្លារ ដល់​២០០០​ដុល្លារ ឬ​ច្រើន​ជាង​នេះ ហើយ​ល្បែង​អាប៉ោង​ក៏​ស៊ីសង​ទឹក​លុយ​ច្រើនៗ​ដែរ ធ្វើឲ្យ​ឈ្មោះ ពិន តន និង​បក្ខពួក​ប្រមូល​លុយ​ពី​ក្រុម​អ្នកញៀន​ល្បែង​បាន​មិន​តិច​ឡើយ ។​

​ប្រជាពលរដ្ឋ​បាន​អំពាវនាវ​ឲ្យ​លោក យិន ចំណាន ស្នងការ​នគ​បាល​ខេត្ត​រតនគីរី ព្រមទាំង​លោក ញ៉ែម សំអឿន អភិបាលខេត្ត​រតនគីរី និង​លោក ថាវ យ៉េន មេ​បញ្ជារ​កា​កងរាជអាវុធហត្ថ​ខេត្ត​រតនគីរី​ចាត់វិធានការ​បង្ក្រាប​ស​ង្វៀន​បញ្ជល់មាន់ និង​វង់​អាប៉ោង​របស់លោក ពិន តន ហៅ​តា​តន នៅក្នុង​ក្រុង​បាន​លុង​ជាបន្ទាន់ ។ ដោយហេតុ​ថា ដោយសារ​មាន​បន​ល្បែងស៊ីសង​សង្វៀន​បញ្ជល់មាន់ និង​វង់​អាប៉ោង​ខុសច្បាប់​រាលដាល​យ៉ាងកំហុ​ក​នោះ​ហើយ ទើប​បច្ចុប្បន្ន​នៅ​សង្កាត់​យក្ខ​ឡោម​និង​សង្កាត់​ផ្សេងៗ​ទៀត​ក្នុង​ក្រុង​បាន​លុង​កើតមាន​អំពើចោរកម្ម និង​បទល្មើស​ផ្សេងៗ ធ្វើឲ្យ​ប៉ះពាល់​យ៉ាងខ្លាំង​ដល់​សន្ដិសុខ​សង្គម ។ រីឯ​អធិការ​នគរបាល​ក្រុង​បាន​លុង និង​អភិបាល​ក្រុង​បាន​លុង ទំនង​ជាប់​ពាក់​ព​ន្ឋ័​ផលប្រយោជន៍ ទើប​បណ្ដោយឲ្យ​ល្បែងស៊ីសង​កើតឡើង​យ៉ាង​ពេញបន្ទុក មិន​ខ្វល់​ពី​ការរិះគន់​អ្វី​ទាំងអស់ ៕

ព័ត៌មានគួរចាប់អារម្មណ៍

សារលិខិតសម្តេចកិត្តិព្រឹទ្ធបណ្ឌិត ផ្ញើជូនជនរួមជាតិ ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន៖ ការបើកដំណើរការ ខារ៉ាអូខេ រង្គសាល និងឌីស្កូតែក ត្រូវរង់ចាំពិនិត្យក្រោយថ្ងៃទី៣០ ខែវិច្ឆិកា ឆ្នាំ២០២១ ()

ព័ត៌មានគួរចាប់អារម្មណ៍

ឯកឧត្តម សុខ លូ អញ្ជើញជាអធិបតីភាពដ៏ខ្ពង់ខ្ពង់ក្នុង ពិធីសំណេះសំណាល និងកច្ចប្រជុំពិនិត្យលទ្ធផលការងារប្រចាំខែតុលា ឆ្នាំ២០២១ របស់ក្រុមការងារយុវជនគណបក្សខេត្តបាត់ដំបង ()

ព័ត៌មានគួរចាប់អារម្មណ៍

ឯកឧត្តម សុខ លូ សំណេះសំណាលជាមួយរដ្ឋបាលក្រុង ស្រុក ដើម្បីប្រគល់ថវិកាឧបត្ថម្ភរបស់រាជដ្ឋាភិបាលជូនដល់គ្រួសារសព ដែលទទួលមរណភាពដោយសារជំងឺកូវីដ-១៩ ចំនួន ១៦៦ សព នៅក្នុងខេត្តបាត់ដំបង ()

ព័ត៌មានគួរចាប់អារម្មណ៍

អភិបាលខេត្តកំពង់ធំ ចុះត្រួតពិនិត្យឡសម្ងួត និងឃ្លាំងស្តុកស្រូវរោងម៉ាស៊ីនកិនស្រូវ២កន្លែង ក្នុងស្រុកស្ទោង និងស្រុកកំពង់ស្វាយ ()

វីដែអូ