ថ្ងៃព្រហស្បតិ៍ ទី០៧ ខែធ្នូ ឆ្នាំ២០៥០
ចាងហ្វាងការផ្សាយ ៖ លោក លាង គីម / ការិយាល័យនិពន្ធ ៖ 090 90 53 33
ឧត្តមសេនីយ៍ឯក រ័ត្ន ស្រ៊ាង សូម​អបអរសាទរ​ជូន​ចំពោះ​នាយករដ្ឋមន្ត្រី ហ៊ុន ម៉ា​ណែ​ត ក្នុងឱកាស​ដែល​ត្រូវបាន​ព្រះមហាក្សត្រ​ផ្តល់​គោរមងារ​ដ៏​ឧត្តុង្គឧត្តម​បំផុត​ជា «​សម្តេច​មហា​បវរ​ធិបតី​»
Sun,03 September 2023 (Time 08:35 PM)
ដោយ ៖ NNC Tv Online (ចំនួនអ្នកអាន: 39នាក់)

ឯកឧត្តម​ឧត្តមសេនី​យ៍​ឯក រ័ត្ន ស្រ៊ាង មេបញ្ជាការរង​កងរាជអាវុធហត្ថ​លើ​ផ្ទៃ​ប្រទេស និង​ជា​មេបញ្ជាការ​កងរាជអាវុធហត្ថ​រាជធានី​ភ្នំពេញ សូម​អបអរសាទរ​ដោយស្មោះ​ជូន​ចំពោះ​នាយក​រដ្ឋមន្ត្រី ហ៊ុន ម៉ា​ណែ​ត ក្នុងឱកាស​ដែល​ឯកឧត្តម​ត្រូវបាន​ព្រះករុណា​ព្រះបាទ​សម្តេចព្រះ​បរមនាថ នរោត្តម សីហ​មុនី ព្រះមហាក្សត្រ​នៃ​កម្ពុជា ចេញ​ព្រះរាជក្រឹត្យ​ត្រាស់​បង្គាប់​ផ្តល់​គោរមងារ​ដ៏​ឧត្តុង្គឧត្តម​ខ្ពង់ខ្ពស់​បំផុត​ជា «​សម្តេច​មហា​បវរ​ធិបតី​»​។​

​នាយករដ្ឋមន្ត្រី ហ៊ុន ម៉ា​ណែ​ត ពិតជា​ស័ក្តិសម​បំផុត​ចំពោះ​ការទទួលបាន​នូវ​គោរមងារ​ដ៏​ឧត្តុង្គឧត្តម​ខ្ពង់ខ្ពស់​បំផុត​ជា «​សម្តេច​មហា​បវរ​ធិបតី​»​។ ការផ្តល់​គោរមងារ​នេះ​ពិតជា​ស័ក្តិសម​បំផុត​សម្រាប់​មុខតំណែង​ដ៏​ខ្ពស់បំផុត​ក្នុងប្រទេស​កម្ពុជា ដែល​ប្រកាន់​យក​របប​រាជានិយម​អាស្រ័យ​រដ្ឋធម្មនុញ្ញ ហើយ​គោរមងារ​នេះ​ដែរ​ក៏​ពិត​ស័ក្តិសម​បំផុត​ចំពោះ​សម្តេច ដែល​ជា​ប្រមុខ​រាជរដ្ឋាភិបាល​ពោរពេញ​ទៅ​ដោយ​សមត្ថភាព​ដ៏​ខ្ពង់ខ្ពស់ ចំណេះដឹង​ដ៏​ជ្រៅជ្រះ និង​ទេពកោសល្យ​ដ៏​ប៉ិនប្រសប់​ប្រកបដោយ​គតិបណ្ឌិត​ដ៏​ខ្ពង់ខ្ពស់​។​

​យើងខ្ញុំ​សូម​លើក​ហត្ថ​បួងសួង​ដល់​វត្ថុ​ស័ក្ដិសិទ្ធិ​ទាំងឡាយ​សូម​ជួយ​អភិបាល​គ្រងរ​ក្សា ប្រោះព្រំ ប្រសិទ្ធពរ បវរ​មហាប្រសើរ ជូន​សម្តេច​មហា​បវរ​ធិបតី ហ៊ុន ម៉ា​ណែ​ត និង​លោកជំទាវ ព្រមទាំង​គ្រួសារ​ជា​ទីស្រឡាញ់ សូម​បាន​ប្រកប​នូវ​ព្រះ​ពុទ្ធពរ​ទាំង​បួន​ប្រការ​គឺ អាយុ វណ្ណៈ សុខៈ ពលៈ ជានិច្ច​និរន្តរ៍​៕