ខេត្តកណ្ដាល ៖ ទីតាំងបនល្បែងស៊ីសងជល់មាន់ ឆ្នោតឡូតូនិងបៀរការ៉ាត់បើកលេងតាមប្រពន្ឋ័អនឡាញជាច្រើនកន្លែង នៅខាងក្រោយវត្តព្រែកហូរលិចជាច្រើនកន្លែងទៀត កំពុងបើកលេងយ៉ាងអាណាធិបតេយ្យ ។ គ្មានញញើតអាជ្ញាធរនិងសមត្ថកិច្ចមូលដ្ឋានឡើយ។ប្រភពពីប្រជាពលរដ្ឋបានឲ្យដឹងថា:នៅចំណុចក្នុងផ្សារព្រែកហូរ នៅពីក្រោយសង្កាត់ព្រែកហូរ ច្រកចូលឆៀងខាងត្បូង កំពុងបើកលេងកន្ទុយលេខឆ្នោតយួន បើកលេងតាមប្រពន្ឋ័អនឡាញ (online) ខុសច្បាប់ជាក់ស្ដែងសារព័ត៌មានយើងបានចុះដល់ទីតាំង ក៏ឃើញដូចអ្វីដែលមានសេចក្ដីរាយការណ៍ពិតប្រាកដមែន ! ចំណែកលោក យី វណ្ណដា អធិការនគបាលក្រុងតាខ្មៅ ទោះបីបានទទួលព័ត៌មានពីប្រជាពលរដ្ឋ ឬអ្នកសារព័ត៌មានយ៉ាងណាក្ដី ប៉ុន្ដែលោកហាក់ធ្វើព្រងើយ មិនរវល់អើពើក្នុងការទប់ស្កាត់និងបង្ក្រាបឡើយ ! ដោយទង្វើបែបនេះ គឺផ្ទុយនឹងបទបញ្ជាសម្ដេចក្រឡាហោម ស ខេង អតីតឧនាយករដ្ឋមន្ដ្រី និងរដ្ឋមន្ដ្រីក្រសួងមហាផ្ទៃ គោលនយោបាយភូមិឃុំសង្កាត់ មានសុវត្ថិភាព ។ រាល់បទល្មើសទាំងអស់នេះសបញ្ជាក់ឲ្យឃើញថា ប្រហែលជាមានការឃុបឃិតគ្នាជាលក្ខណ:ប្រពន្ឋ័ បើកភ្លើងខៀវពីអាជ្ញាធរនិងសមត្ថកិច្ចឬស្ថាប័នពាក់ពន្ឋ័ ទើបមានការបើកលេងល្បែងស៊ីសងបានយ៉ាងរលូន គឺដើម្បីតែលាភសក្ការ:រៀងៗខ្លួនហើយមើលទៅ !។គួរបញ្ជាក់ថា កន្លងមកសម្ដេចក្រឡាហោម ស ខេង ឧបនាយករដ្ឋមន្ដ្រីនិងរដ្ឋមន្ដ្រីក្រសួងមហាផ្ទៃធ្លាប់ដាក់បទបញ្ជាឲ្យមន្ដ្រីនគបាលមូលដ្ឋាននិងស្ថាប័នពាក់ពន្ឋ័ទូទាំងប្រទេសត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទដោយគ្មានការយោគយល់ឡើយ ដើម្បីធានាបាននៅសុខសុវត្ថិភាពជូនប្រជាពលរដ្ឋឲ្យស្របតាមគោលនយោបាយភូមិឃុំសង្កាត់មានសុវត្ថិភាពទាំង៧ចំណុចរបស់រាជរដ្ឋាភិបាលដែលបានដាក់ចេញដោយក្រសួងមហាផ្ទៃ ។ លើសពីនេះទៅទៀត សម្ដេចក្រឡាហោម ស ខេង អតីតឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបានចេញលិខិតបង្គាប់សារមួយបញ្ជាក់ឲ្យឯកឧត្តមនាយឧត្តមសេនីយ៍សន្ដិបណ្ដិត សុខ ផល រដ្ឋលេខាធិការក្រសួងមហាផ្ទៃ ដឹកនាំក្រុមការងារសហការបង្ក្រាបល្បែងស៊ីសងខុសច្បាប់គ្រប់ប្រភេទទូទាំងប្រទេស ប៉ុន្ដែអាជ្ញាធរនិងសមត្ថកិច្ចនៅក្នុងមូលដ្ឋានពាក់ពន្ឋ័បែរជាហ៊ានផ្គើនទៅបទបញ្ជាសម្ដេច ស ខេង ទៅវិញ ។ ហេតុដូចនេះ ប្រជាពលរដ្ឋសូមសំណូមពរដល់ លោក គង់ សោភ័ណ្ឌ អភិបាលខេត្តកណ្ដាល ក៏ដូចជាលោក ឈឿន សុចិត្ត ស្នងការនគបាលខេត្តកណ្ដាល និងលោក សម តុលា មេបញ្ជាការកងរាជអាវុធហត្ថខេត្តកណ្ដាល សូមមេត្តាជួយចាត់មន្ដ្រីក្រោមឱវាទពិនិត្យ និងទប់ស្កាត់បង្ក្រាបទៅលើទីតាំងបនល្បែងស៊ីសងខាងលើនេះផង ដែលហ៊ានបើកលេងល្បែងស៊ីសងជល់មាន់ឆ្នោតឡូតូបៀរការ៉ាត់ និងកន្ទុយលេខ (ហៅឆ្នោតយួន) បើកលេងតាមប្រពន្ឋ័អនឡាញ(online) ខុសច្បាប់ដើម្បីឲ្យស្របតាមគោលនយោបាយភូមិឃុំសង្ក្រាត់មានសុវត្ថិភាពទាំង៧ចំណុចរបស់រាជរដ្ឋាភិបាលដោយក្រសួងមហាផ្ទៃ ។
ព័ត៌មានគួរចាប់អារម្មណ៍
សារលិខិតសម្តេចកិត្តិព្រឹទ្ធបណ្ឌិត ផ្ញើជូនជនរួមជាតិ ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ ()
វីដែអូ